Pamunuan ni Atty. Mark Mayo ang transition team ni Mayor-elect Greg Gasataya sang ciudad sang Bacolod.
Sa interview sang DYHB kay Atty. Mayo, ginsiling sini nga sa Hunyo 20, 2025, las-3 sang hapon, patigayunon ang pag-turnover sang mga dokumento, accountabilities kag iban pa nga important assets sang ciudad sang Bacolod sa tunga ni outgoing Mayor Albee Benitez kag Gasataya.
Suno kay Mayo, ang Department of the Interior and Local Government (DILG) ang nagtalana sang petsa sang transition.
Nagalaum naman si Mayo, nga mangin matawhay ang patigayunon nga transition sa tunga ni Benitez kag Gasataya.