BACOLOD CITY- Ginapreparar na sang Bacolod City Drug Enforcement Unit (CDEU) ang kaso batok sa suspek nga nakuhaan sang P1,156,000 nga balor sang ginapatihan shabu sa Purok 1 Sisi Magsungay, Barangay Singcang- Aiport, sang Domingo, Hunyo 15.
Ang suspek ang ginkilala nga si alias “Michael”, residente sang Purok Lampirong, Barangay 2 sa amo nga ciudad.
Base sa pahayag ni CDEU head Police Lieutenant Colonel Antonio Benitez Jr., natalana nga magapangatubang sang kaso nga paglapas sa Republic Act 9165 ukon Comprehensive of Dangerous Drugs Act of 2002.
Halos isa ka bulan ginmonitor sang kapulisan si Michael antes ini madakpan.
Nahibaluan nga ang suspek ang nadakpan sang tuig 2020 bangod sa pagbaligya sang illegal nga droga.
Suno kay Benitez, si Michael ang sa likod sa pagdistribute sang illegal nga droga sa Brgy. Singcang-Airport.