Ginkilala bilang kampeon kag nagdaug sang P80,000 ang Barangay Banago sa ginpatigayon nga Barangay Festival Dance Competition nga ginhiwat sa Bacolod City Government Center Ground subong nga gab-i, Hunyo 17, 2025.
Ginsundan ini sang Barangay Sum-ag nga ginkilala bilang 1st runner up nga nagdaug sang P50,000 samtang 2nd runner up naman ang Barangay Villamonte nga nagdaug sang P30,000.
Sa bahin naman sang minor awards, nakuha sang Barangay Banago ang Best in Choreography kag Best in Costume samtang Best in Music ang Barangay Punta Taytay kag Best in Concept ang Barangay Villamonte.
Sa nasambit nga kompetisyon, ginpresentar sang tagsa ka mga barangay ang ila interpretasyon may kaangtanan sang ila ginasaulog nga kapiestahan.
Ini ang kabahin sa selebrasyon sang ika-87 nga Charter Day sang Bacolod City nga natalana saulugon bwas nga adllaw, Hunyo 18.