Nagahulat ang City Legal Office (CLO) sang official report gikan sa Office of the Building Administrator (OBA) angut sa isyu sang mga ginpanggabot nga tanom sa Bacolod City Government Center (BCGC).
Suno kay City Legal Officer, Atty. Karol Joseph Chiu, ang masunod nga tikang angut sa isyu ang magadepende pa sa official report sang OBA.
Madumduman nga nagpaguwa na sang official statement si Portia Familiaran, asawa ni outgoing Vice Mayor El Cid Familiaran angut sa isyu. Suno kay Portia, ang landscaping materials nga makita sa palibot sang BCGC ang iya personal nga gingastuhan.
Apang suno kay Atty. Chiu, dapat panumdumon nga ang ano man nga improvements ukon decorations nga ginbutang sa duta, mangin kabahin na ini sang duta.
Sa interview naman kay Mayor Albee Benitez, ginsiling sini nga wala siya ginpahibalo antes gingabot ang mga tanom. | DYHB News