PROVINCIAL CAPITOL – Ginalantaw sang Provincial Health Office nga magasaka ang numero sang mga matapikan sang masakit nga Dengue bangud sang maulanon nga panahon.
Ginpahayag ni Provincial Health Officer Dr. Girlie Pinongan nga hugot nila nga gina-monitor ang kaso sang dengue sa probinsiya ilabi na karon nga magluwas nga tig-ululan, nagsugod naman ang klase sa mga eskwelahan.
Sa pinakaulihi nga report sang PHO, humalin Enero 1 tubtob Hunyo 7, may 2,326 total Dengue cases na sa Negros Occidental.
Ini ang 1,716 cases nga mas madamo ukon 281.31% nga mas mataas kun ikumparar sa 610 cases nga na-record sa pareho nga period sang nagligad nga tuig.
Sa gihapon, Bago City ang may pinakamadamo nga kaso nga yara sa 474 cases.
Nagapabilin naman sa pito ang ginbawian sang kabuhi bangud sang sini nga masakit nga makuha sa lamok.