Nagdangat sa masobra 500 ang mga incoming scholars of the Provincial Government of Negros Occidental.
Ini ang ginalakipan sang mga estudyante nga nag-enroll sa nagkalain-lain nga mga eskwelahan kag unibersidad nga kabahin sang nagkalain-lain nga mga scholarship categories nga ginalakipan sang PAGKAON Scholarship Grant, District Educational Scholarship, Degree Completion Scholarship, Indigenous Peoples’ Scholarship, Negros Occ. Provincial Medical kag Nursing Scholarship – Nursing, NOPMANS Medicine.
Dugang pa diri ang Provincial Educational Assistance to Capitol Employees, Best of Negros, Scholarship for Children of Non-Returning OFWs, Midwifery Scholarship, Degree Completion Scholarship for OFWs, Scholarship for Children of Solo Parents, kag Scholarship for PWDs.
Ang nasambit nga mga iskolar ang mangin kabahin sang kabug-usan nga 1,350 ka scholars sang probinsya para sa school year 2025–2026.
Sa liwat nga pagbukas sang klase, nagpirma sang Memorandum of Agreement (MOA) ang mga incoming scholars kaupod si Negros Occidental Governor Bong Lacson sa isa ka hotel sa ciudad sang Bacolod subong nga adlaw, Hunyo 16, 2025.
Nagtambong man sa MOA signing sanday Provincial Administrator Atty. Rayfrando Diaz, Provincial GAD Action Officer and OIC Provincial Agriculturist Dr. Dina Genzola, NOSP head Karen Dinsay kag ang mga ginikanan kag guardian sang mga estudyante.
Ginpahayag ni Gov. Lacson nga paagi sa Negros Occidental Scholarship Program (NOSP) ang tanan nga mga kwalipikado nga Negrense ang ginahatagan sang oportunidad nga makapadayon sa pag-eskwela bisan ano pa man ang ila kahimtangan.
Pahanumdom sini sa mga iskolar nga mangin responsable, magtuon, mangin matuod sa prinsipyo, kag sa palaabuton, magbalos sa ila pamilya, komunidad, kag sa probinsya nga nagapati sang ila ikasarang.
Samtang, ginpahayag naman ni Provincial Administrator Atty. Rayfrando Diaz nga malapit sa tagipusuon sang Provincial Government ang mga scholars kag ginadugangan pa ang pondo agud mabuligan sila nga malab-ot sa ila mga handum kag makuha ang trabaho nga ila ginahandom.
Nahibaluan nga ang mga nasambit nga scholars ang ginpaidalum sa screening, exams, kag interviews antis pa man na qualify kag magabaton sang libre nga tuition kag miscellaneous fees lakip na ang libro, uniform allowance, kag iban pa nga bulig.
[Photos from PGNO]