SAGAY CITY- Totally damage ang isa ka establisyemento sa nagluntad nga sunog, pasado las-10 sang aga, Hunyo 16, sa bahin sang Quezon St. Barangay Poblacion 2, sa ciudad sang Sagay.
Ang nga establisyemento ang ginapanag-iyahan ni Ronald Lobaton Jr.
Base sa pahayag ni FO1 Jason D. Eran, Investigator on Case sang Bureau of Fire Protection- Sagay City, ang amo nga establisyemento ang ginalakipan sang residential, storage area, kag finance office.
Sa inisyal nga imbestigasyon, nagsugod ang kalayo sa residential area.
Ginabulubanta yara sa kapin ₱300,000 nga balor sang kahalitan ang ginbilin sang sunog, ini ang base sa manual sang BFP per square meter.
Maswerte naman nga wala sang may nasamaran sa amo nga insidente.
Sa karun padayon ang imbestigasyon sang BFP angot sa gintunaan sang sunog.
[Photo from Estelle Nica Marie Dunlao]