WORLD NEWS- Pilason ang kapin 65 ka tawo sa missile strike nga ginlansar sang Iran sa sur nga bahin sang Israel. Gintarget sang Iran ang Soroka Medical Center- isa ka major hospital nga nahamtang sa Beersheba southern Israel. Suno sa emergency service sang Israel, masobra 30 ka tawo ang pilason sa amo nga ospital matapos ang pagpang-atake. Sa karun ang tatlo ka biktima nga senior citizen ang yara sa kritikal nga kondisyon, nga ginahatagan sang nagakaigo nga pagbulong lakip na ang iban nga mga pilason. Base naman sa pahayag sang Israeli military, gintarget naman sang ila nga grupo ang nuclear site sang Iran lakip na ang Arak heavy water reactor kag Natanz facility.
