Ginlunsar sa ciudad sang Bacolod ang isa ka digital platform program nga makabulig sa mga small farmers.
Sini nga Hunyo 24, 2025 ginlunsar ang Bacolod City Agri-Fishery Digital Platform Program kadungan sang blessing sang ginbakal sang ciudad nga refrigerated van.
Ang van gamiton sa pag-transfer sang mga produkto sang small farmers kaangay sang utanon kag prutas padulong sa isa ka supermarket sa Bacolod.
Kabulig sang city government sa nasambit mga proyekto amo ang Agro-DigitalPH.
Nagtambong sa launching sang programs si Mayor Albee Benitez, Councilor Thaddeus Sayson, City Agriculture Office kag Bacolod City Integrated Small Federation Inc. upod sa ila presidente nga si Judy Jinson. | DYHB News