PROVINCIAL CAPITOL – Nagapadayon sa gihapon ang pagpatukod sang mga tents sa Cabacungan National High School kun sa diin magasaylo ang nabilin nga mga evacuees sa mga classrooms sa mga eskwelahan sa La Castellana.
Ginpahayag ni Office of the Civil Defense Negros Island Region Director Donato Sermeno III nga amat-amat nga gina-put-up ang mga tolda apang wala pa nasayluhan ang mga ini.
Sa karon, nagapabilin ang mga evacuees, nga lunsay taga-Barangay Cabagnaan, sa 12 ka mga classrooms sang senior high school kag 11 ka mga kwarto sa junior high school sang La Castellana National High School.
Nagalaum naman si Director Sermeno nga makasaylo na ang mga evacuees sa labing madali nga panahon agud indi man maapektuhan ang mga estudyante.