PROVINCIAL CAPITOL – Nakahanda ang Tent City sa ciudad sang Himamaylan sa pagbaton sang mga evacuees nga maapektuhan pananglitan maglupok ang Bulkan Kanlaon.
Ginpahayag ni Himamaylan City Mayor Raymund Tongson nga wala pa na-activate ang Tent City apang iya man ini ginapasalamatan bangud nagakasayuran nga wala sang malain nga natabo sa bulkan.
Una na nga ginpahayag sang Office of the Civil Defense nga ang Tent City ang pagagamiton lamang kun magsaka sa Alert Level 4 ang Kanlaon kun sa diin magasangkad sa 10-kilometers ang danger zone sang bulkan.
Samtang, ginahulat na lamang sa karon sang Himamaylan City LGU ang kapin sa P62 million nga financial assistance nagikan sa National Government para sa mga kinahanglanon sang mga evacuees sa tion nga gamiton na ang Tent City.
Si Tongson upod kay Vice-Mayor Justin Gatuslao kag mga konsehal sang Himamaylan nga nagdaog sang nagligad nga midterm elections ang nagsumpa kay Governor Bong Lacson kaina sang aga.