Nagalaom ang City Cooperative and Livelihood Development Office (CCLDO) nga mas dako nga volume sang tag-₱20/kilo nga bugas ang mabaligya sa ciudad sang Bacolod sa masunod.
Ini matapos nga nagtakop na ang pagbaligyaanay sang tag-₱20/kilo nga bugas sa Bacolod kahapon, Hunyo 26.
Kahapon, ang Brgy. 16, ang ulihi nga barangay ang ginbaligyaan sa ciudad. Nahibaluan nga ang city government ang nagbakal sang 5,880 sacks sang bugas nga nagabalor sang ₱7,971,000 million kag ini ang ginbaligya sa 61 barangays sa Bacolod.
Sa interview kay Brenda Burdeos, Project Development Officer IV sang CCLDO, nagalaom ini nga kon masundan pa ang pagbaligyaanay, dako na nga volume ang mabakal sang city government kag mabaligya sa pumuluyo.
Suno kay Burdeos, dako ang bulig sa pumuluyo sang barato nga presyo sang bugas.