SILAY CITY- Magapalab-ot sang bulig si Silay City Mayor Joedith Gallego sa mga biktima sa aksidente nga nagluntad sa Sitio San Juan Barangay Guimbalaon sa ciudad sang Silay, pasado las-9 sang aga, Hunyo 27.
Nagresulta ang amo nga aksidente sa pagtaliwan sang pito ka mga empleyado sang Silay LGU, samtang 17 ang pilason ka pila sa ila ang yara sa kritikal nga kondisyon.
Ang mga biktima ang nagtambong sa tree planting sa Sitio Lantawan kadungan sa program sang ciudad angot sa environmental preservation kag community service.
Base sa ginpagwa nga statement ni Mayor Gallego, nagapatigayon sang koordinasyon ang ciudad sa kapulisan, City Disaster Risk Reduction and Management Office (CDRRMO), city health office, kag iban nga ahensiya agod makapalab-ot sang bulig kaangay sang medical kag pinansiyal sa mga biktima kag pamilya sang nalisdan.
Nagpalab-ot sang kasubo kag simpatiya ang alkalde sa mga biktima kag ilabi na sa mga pamilya nga nalisdan sa amo nga aksidente.
Nagpasiguro si Gallego sa publiko nga magapatigayon sang imbestigasyon ang awtoridad angot sa kabangdaan sa amo nga aksidente agod malikawan ang kaangay sini