LA CASTELLANA- Iga-rekomendar sang La Castellana- Incident Management Team ang pagpatuman sang 5.2km Extended Danger Zone (EDZ) sa baylo sang 6km EDZ sang Bulkan Kanlaon.
Ginpahayag ni Police Major Rhojn Darrel Nigos, head sang IMT, gintingwaan sa karun sang Local Government Unit nga makapangita sang madasig nga solusyon sa problema sang mga Internally Displaced Person (IDP).
Naga-apelar ang IMT sang comparative date nagikan sa PHILVOCS kag risk assessment sa 5.2km EDZ agod matumod kun ini bala ang safe sa mga pumuluyo.
Magapangayo man sang bulig ang banwa sa Office of Civil Defense (OCD) nga magapatigayon sang simulation exercise sa amo nga EDZ.
Nahibaluan nga ang sa gwa sang 5.2km EDZ ang mga panimalay nga nahamtang sa kilid lamang sang dalan.
Suno kay Nigos, kun pahanugutan ang pag-implementar sang 5.2km EDZ, wala nalakip diri ang mga vulnerable individual, apang sila ang pagapangitaan lamang sang temporary evacuation center.
Sa luyag naman nga magpabilin sa evacuation center, ini sa gihapon ang bukas para sa ila.