Isa ka lalaki sa Texas ang nadiskubre sa wala niya ginpaabot sa diin kasal na gali siya sa babayi nga bag-o lang niya ginbulagan — apisar pa wala sang iya consent Kun paminsaron pa lang nga nakigbulag ka sa isa ka tawo bangud sang ka-toxic sini, masarangan mo pa bala ini batunon liwat bilang isa ka lifetime partner? Legal nga ginkasal apisar wala sang may ginhiwat nga seremonya ang isa ka lalaki sa iya sini ex-fiancèe, liw-as sa iya ihibalo. Ang 42-anyos nga lalaki, nga wala na ginhingadlan ang nagsiling nga may seryoso sila nga relasyon sang 36-anyos nga si Kristin Marie Spearman. Nagkadto pa sila gani sa Wayne County clerk’s office agud magkuha sang marriage license. Apang wala sila nakalab-ot sa altar. Nag-away sila, kag ginpahayag sang lalaki kay Spearman nga indi na siya luyag magpadayon sang ila relasyon. Pero may iban nga plano si Spearman… First week sini nga June, pila lang ka adlaw matapos sila magbulagay, nakabaton ang lalaki sang gift bag halin sa isa ka sikat nga brand. Sa sulod sini may mga produkto kag isa ka kopya sang officiated marriage license nga may petsa Hunyo 13, nga nakasulat ang ila pangalan nga duha, kag litrato ni Spearman nga uyat ang dokumento nga nagapamatood sang ila legal nga kasal. Sunod sa website sang McLennan County, kinahanglan nga magpakita personal ang magtiayon kag magpresentar sang balido nga ID agud makakuha sang application sang marriage license. Apang sa kaso sang duha, ginapahayag nga naimpluwensyahan ni Spearman ang isa ka lokal nga pastor agud sertipikahan ang kasal bisan pa wala didto ang lalaki. Agud manabat si Spearman sa iya naubra, ini siya ang ginkasuhan sang third-degree felony stalking.
