WORLD NEWS- Luyag sang kapin 17,000 ka mga ralihista nga magabiya sa pwesto si Thailand Prime Minister Paetongtarn Shinawatra. Linibo ka mga ralihista ang nagtipon sa Bangkok sang Sabado kun sa diin sila ang nagapanawagan nga pahalinon na sa pwesto ang Prime Minister bangod ginapatihan nga ini ang rason kun ngaa naglala ang ekonomiya sang pungsod tuga sang kinagamo kontra Cambodia. Gilayon nga ginapabiya sa pwesto ang prime minister matapos nga iya ginsaway ang isa ka kumander sang militar kag magpakanubo sa anay lider sang Cambodia nga si Hun Sen, base sa na-leak nga impormasyon sa telepono. Nahibaluan nga ginadumilian sa Thailand ang pampubliko nga pagsaway sa militar bangod mataas ang impluwensya sini sa pungsod. Nagpangayo naman sang pasaylo ang Prime Minister sa mga nasiling sini matapos nagleak ang impormasyon.
