WORLD NEWS- Nautas ang kabuhi sang kapin 46 ka tawo matapos ang pagtupa sang mabaskog nga pag-ulan sa pungsod Pakistan. Nalakip sa mga nagtaliwan ang 13 ka mga miyembro sa isa ka pamilya. Nahibaluan halos isa na ka semana ang pagtupa sang ulan sa lugar, kun sa diin dinosena naman ka tawo ang nasamaran. Halos sa mga nagtaliwan ang nagikan sa probinsya sang Khyber Pakhtunkhwa. Nag-abiso naman ang National Disaster Management Authority sa mga residente nga magbiya na sa ila tagsa ka mga panimalay bangod sa pagtaas sang tubig baha kag amo man sa mga yara sa coastal area.
