BACOLOD CITY- Nasapwan ang isa ka bangkay sang babayi sa bahin sang Estefania Proper Barangay Estefania sa ciudad sang Bacolod, pasado la-una sang hapon, Hulyo 1.
Base sa inisyal nga pahayag ni Bacolod City Police Station 4 Commander Police Major Elmer Bonilla, nasapwan ang bangkay sang duha ka mag-amay nga nagapamasura sa lugar.
Nasapwan ang bangkay nga nagahamyangon kag yara pa ang panapton pang-idalom kag pang-ibabaw.
Ginabulubanta yara sa kapin duha na ka semana nga yara sa lugar ang bangkay.
Ginapatihan isa ka bangkay sang babayi ang amo nga biktima bangod may bag nga may unod sang gamit pang babayi ang narekober sa tupad sini, kag pila pa ka mga facts nga nakita sang SOCO.
Apang sa karun padayon pa ang imbestigasyon sang kapulisan angot sa pagkasapo sang bangkay kag pagtumod sa identity sini.