Isa ka driver nga si Mr. Li halin sa Zhejiang Province, China, ang nag-viral karon sa social media matapos niya ireklamo nga pirmi naga-trigger ang fatigue warning sang iya bag-o nga Xiaomi SU7 Max bangud sa iya gamay nga mata. Ang Xiaomi SU7 Max isa ka mabakod kag elegante nga electric sedan nga makadalagan halin 0 tubtob 60 mph sa sulod lang sang 2.78 ka segundo. Bisan pa man isa ini sa mga pinaka-in-demand nga electric cars subong sa kalibutan, para kay Mr. Li, isa ka kabudlayan ang pagmaneho sini. Suno sa iya, sang ginpagwa niya ang iya salakyan para sa first drive sini, pirmi niya mabatian ang tingog nga nagaingon, “Please focus on driving”, bisan wala man na-distract kag naga-atubang man ini sa dalan. Padayon man nga naga-gwa sa digital display sang salakyan ang mensahe nga “Focus on driving, pay attention to safety.” Sang ulihi lang niya na-diskubre nga ang iya gamay nga mata ang rason. Sugod sadto, gin-try sini nga buksan dako ang iya mata kag diri wala na siya nakabati sang warning sound. Duda sini bga basi abi sang sensor nagapiyong ini samtang nagamaneho bangud sang iya pirot nga mata. Suno kay Mr. Li, mga 20 ka beses naga-trigger ang fatigue warning bisan sa isa lang ka pag biyahe.
