Ginlunsar sang nga siyentista sang isa ka robotics laboratory sa National University of Defence Technology (NUDT) sa Hunan Province, China ang isa ka drone nga daw kasubong sang isa ka insekto, nga pwede gamiton para sa surveillance kag reconnaissance missions.
Ini ang ginpabutyag sa publiko pinaagi sa CCTV 7, ang military channel sang China Central Television, kun sa diin nakita ang drone nga may pakpak kag nagalupad kag mga paa nga daw pino nga buhok, nga halos indi mabudlayan kilalahon sa tunga sang mga matuod nga insekto.
Tungod sa ka gamay sini, pwede ini makasulod sa halos bisan ano nga lugar kag makapanghimo sang misyon nga indi gid mapiyaran sang iban.
Bisan pa man nga gina-promote ini bilang isa ka military reconnaissance drone, madamo ang nagaangkon nga posible man ini gamiton sang gobyerno sang China sa pagpaniktik.
Ang drone nga ginpakita sa CCTV7 may kadaku lang nga 1.3 centimeters kag pwede lang kontrolon gamit ang smartphone.
Suno sa mga naghimo sini, halos indi ini mabatyagan ukon madetect kag pwede magamit sa madamo nga pamaagi—halin sa pagsulod sa mga lugar nga indi malab-ot ilabi na sa tion sang katalagman, hasta sa pagmonitor sang kalidad sang hangin paagi sa mga sensors nga ginbutang diri.
Bisan pa man nga nag-viral ang ini nga mosquito-sized drone sa Chinese social media, may yara ini sa gihapon sang pila ka limitasyon.
Ang ka gamay sini isa ka bentaha, pero isa man ka kahuyang, bangud limitado ang battery life sini kag indi man ini makabutang sang madamo ukon mabug-at nga mga sensors kag accessories.