Ginkilala sang World Travel Index (WTI) ang Dumaguete City sini nga bulan bilang pinakahilway nga ciudad sa Pilipinas. Base sa record sang WTI, may safety score nga 81.36% ang Dumaguete, nga nagbutang sini bilang #1 sa Pilipinas kag rank #1097 sa bug-os nga kalibutan. Ginsundan ini sang Davao City nga may 80.73% score; Bulacan – 76.4%; Balanga City, Bataan – 76.15%; Lucena City, Quezon – 75.24%; Naga City – 75.02%; Baguio City – 73.99%;Puerto Princesa ; Legazpi City – 71.34% kag Makati City. Samtang ang Bacolod City nagrank #23 sa mga ciudad sa Pilipinas nga may safety score nga 57.43%. Suno sa WTI website, ang kabug-osan nga safety score ginbase sa lima ka sub-category: Kaluwasan sang mga residente kag bisita kada adlaw kag gab-i, insidente sang pagpangawat; drug free kag violence-free assessments. Suno sa Negros Oriental Police Provincial Office, ang report ang nagapakita nga sigurado nga nagabatyag sang kahilwayan ang mga pumuluyo kag turista sa Dumaguete, adlaw man ukon gab-i, bangod sa manubo nga posibilidad sang krimen kag pagpangharas.
