BACOLOD CITY- Positibo sa pagpanghimulos ang 7-anyos nga babayi nga residente sang ciudad Bacolod, base sa nangin resulta sang medical examination.
Ang biktima ang isa ka grade 2 pupil, samtang ang suspek ang yara sa legal nga pang-edaron.
Ginpahayag ni Bacolod City Police Office- Women and Children Protection Desk nga positibo nga ginhimuslan ang biktima, base sa nagwa nga resulta.
Madumduman, ginreport sang biktima kag sang pamilya sini ang amo nga pagpanghimulos sang tinalikdan nga Hulyo 6, apang natabo ang krimen sang Hunyo 2025.
Gina-alegar pwersa nga gindala ang biktima sang suspek sa sulod sang iya balay kag didto ginhimo ang krimen.
Natalana nga magapangatubang sang kaso nga statutory r*** ang suspek sa krimen, apang ini ang nagapabilin nga at large.