BACOLOD CITY- Napasakaan na sang kaso ang suspek sa pagpanghimulos sa 7-anyos nga babayi sa ciudad sang Bacolod.
Ginpahayag ni Bacolod City Police Office- Women and Children Protection Desk Officer In Charge Police Captain Liberty Indiape, natigayon nga mafile sa prosecutor’s office ang kaso nga paglapas sa Republic Act 11648 ukon “An Act Providing for Stronger Protection Against R*** and S**ual E*ploitation and Abuse, Increasing the Age for Determining the Commission of Statutory R*** batok sa suspek.
Sa karun yara sa paghinakop sang Barangay ang biktima kaupod ang iya nga amay kag utod.
Ginahatagan sang regular nga pag-atipan ang biktima sang Barangay office kag Violence Against Women and their Children desk, suno kay Indiape.
Ginpakamaayo nga yara sa Barangay ang biktima agod mapalayo ini sa kulba nga dala sang suspek samtang ini ang hilway.