Walo ka mga balay ang na-record nga totally damaged kag 33 naman ang partially damaged tuga sang baha nga resulta sang wala untat nga pagbubo sang ulan humalin alas-9:05 sang Hulyo 11 sang gab-i tubtob kaagahon.
Naglab-ot naman sa 239 ka mga manok nga nagabalor P330,900 kag 38 ka mga baboy nga nagabalor P484,000 ang mga nagtaliwan bangud sa baha.
Samtang, yara sa 3,121 ka mga pamilya ukon 15, 605 ka mga indibidwal ang naapektuhan gikan sa 16 ka mga barangay sa ciudad.
Suno kay Talisay City Social Welfare Officer Dionela Madrona, temporaryo nga nagpuyo ang mga evacuees sa Talisay City Public Plaza, covered courts, kag mga day care centers agud masiguro ang ila safety.
Nakabaton ang mga evacuees sang food packs kag iban pa nga essentials gikan sa city government.
Ginatumod naman ni Mayor Rowena Lopez-Lizares nga basura kag mga debris ang nangin rason sang baha sa ciudad.