Kapin 509 ka mga benepisyaryo sang Mag Negosyo ta’ day (MTD) sa Panay kag Negros Islands Satellite Office ang nakabaton sang Livelihood Assistance halin sa Office of the Vice President (OVP), halin tuig 2024 tubtob Hulyo 2025.
Ang kada benepisyaryo nga naghalin sa mga lugar sa Negros Occidental, Negros Oriental, Iloilo, Antique, kag Aklan ang nakabaton sang P15,000 kada isa.
May pila na ka mga benepisyaryo nga ginbisita sang mga staff sang OVP para sa monitoring, kag tanan sila ang nalipay sa pagpaambit nga nga nagapadayon sa pagdako ang ila mga negosyo.