ONLINE GAMBLING DAPAT MAY MANDATORY REGULATIONS SUNO KAY CONGRESSMAN ALBEE

Ginpabutyag ni Bacolod City Lone District Congressman Albee Benitez ang iya bahin sa mainit nga isyu may angut sa pagduso nga pag-ban sang mga online gambling sa Pilipinas. Sa exclusive interview sang DYHB kay Benitez, ginpahayag sini nga kulang lang sa regulasyon nga ginapatuman sa Pilipinas kag ini ang self regulation lamang. Ginpakigbahin pa sini nga sa pila ka mga pungsod nga sakop sang European countries, ‘matured’ na ang gaming operations kag may yara sang voluntary kag mandatory regulations. Suno sa Congressman, isa sa mga tikang nga mahimo sang ‘mandatory regulations’ amo ang pag-tsekyar sang kapasidad sang isa ka indibidwal kag kun maglapaw na ini sa iya gintalana nga kapasidad, indi na ini pagpahanugutan. Pahayag ni Benítez, nga sa pihak sang modern technology sarang nga masiguro nga wala sang may nagahampang ang 21-anyos padalum kag indi maka-access ang mga government employees sa tion kag oras sang trabaho. Suno sa kongresista nga kinahanglan ang pag-review kun may problema bala sa bahin sang layi ukon ang sa bahin sang pagpatuman. Madumduman nga una na nagpagwa sang statement si Negros Occidental Third district Congressman Javi Benitez nga wala nagpabor sang Total Banning sang online gambling. Pahayag ni Congressman Albee nga ‘correct’ kag insakto ang nangin panindugan ni Congressman Javi kag naga-isa sa pagpatuman sang hugot nga regulasyon sa mga nagaluntad nga online gambling sa Pilipinas.

Share this news

Leave a Reply

Your email address will not be published. Required fields are marked *