Nag-commit ang Tourism Infrastructure and Enterprise Zone Authority (TIEZA) nga malakip ang replica sang Bacolod City Government Center (BCGC) sa ila trabahuon sa public plaza.
Suno kay Mayor Greg Gasataya, nagpasalig ang TIEZA nga obrahon ang lightings kag iban pa nga fixtures sa BCGC replica.
Sa nahibaluan nga nagpasalig na ang TIEZA nga suguran na sini nga Hulyo ang renovation sang BCGC fountain kag Bacolod Public Plaza sini nga Hulyo.
Ginalauman nga sa masunod nga tuig pa matapos ang proyekto apang hatagan prayoridad ang pagtapos sang essential components kaangay sang lighting kag electrical works.
Nahibaluan nga ginpondohan sang TIEZA sang ₱80 million ang renovation sang apat ka fountains sa plaza kag mga banyo.
Samtang ₱220 million naman ang para sa fountains sa BCGC sa diin plano butangan sang lights and music kag sarang ma-drain kon may major events ang ciudad. Samtang, ginalantaw man karon ni Mayor Gasataya ang paglimpyo kag posible pagpinta sang BCGC replica.