San Carlos City, Negros Occidental — Ginpabungguan sang 18-anyos nga estudyante nga driver sang Toyota Raize nga SUV ang tatlo ka tricycle sa C.L. Ledesma National Highway, Martes sang aga (Hulyo 15, 2025) bangud ini ang napiyungan.
Naguba ang tatlo ka tricycle nga nakaparada kag nahulog sa katubuhan ang SUV, nga nagresulta sa gamay nga pilas sang isa ka bata.
Sa report sang San Carlos Police Station, ang driver sang Raize nga si Earl Lawrence Salimbot, sang Bargy. Look, Calatrava, nga student permit holder, wala nya na nakontrol ang SUV sa kurbada nga bahin sang Sitio Kalingling.
Pinangdalasa sini ang mga tricycle nga gapinundo nga ginamaneho nanday Rufo Salumag, Romero Nicor, kag Arlyn Sildura.
Ang 14-anyos nga hinablos ni Salimbot nga si Kent Francis Luage, may gamay nga pilas sa tiil kag gindala sa San Carlos City Hospital.
Wala man nasamaran ang driver kag ang 6-anyos nga bata sa sulod sang SUV.
Suno Police Captain Rodney Sarona nga si Salimbot ang magabayad sang tanan nga gasto ilabi ang nagkalaguba nga mga tricycle.