Pagatun-an pa ni President Ferdinand “Bongbong” Marcos Jr. ang pagpatuman sang total ban sa mga online gambling. Suno kay Palace Press Officer Claire Castro, maid-id nga ginatun-an sang presidente ang posible nga mangin epekto sini sa ekonomiya kag sa publiko. Dugang pa ni Castro, indi dapat pagdalion ang desisyon sa pagdumili sang online gambling ilabi na gid kung lisensyado kag legal ini bangud nga ini ang nagaresulta sa pagdamo sang illegal nga gambling sites nga makapaapekto sa ekonomiya. Samtang, bukas naman ang presidente suno sa palasyo sa proposal sang Department of Finance nga magpatuman sang tax sa online gaming industry.
