Gina-consolidate na sang Department of Education ( DepEd) ang reported cases sang hand, foot and mouth disease (HFMD) sa ciudad sang Bacolod.
Gin-confirm ni RJ Paglumotan, deputy spokesperson sang DepEd Division of Bacolod City, nga may mga reported cases na apang ginahulat pa nga mapaguwa ang numero paagi sa ila nga medical officer. Ini nga mga estudyante ang wala na anay ginpa-report sa face-to-face classes.
Sa bahin naman sang City Health Office ( CHO) ginahulat nila ang verified report gikan sa DepEd. Suno kay Dr. Grace Tan, head sang Environment Sanitation Division sang CHO, wala na sa ila jurisdiction ang ini nga kaso bangud nga ang DepEd ang may in house Disaster Risk Reduction and Management Office (DRRMO) nga amo na ang maga-handle.
Sa Suno kay Tan, ginahulat na nila ang verified report agod nga ang mga reported cases ang maga-reflect na sa listahan sang mga confirmed HFMD cases sa Bacolod.
Sa nauna na nga interview sang DYHB kay Cherish Flor, principal sang Emiliano Lizares National High School ginpahayag sini nga may suspected 23 ka estudyante nga may HFMD.
Ginkumpirma naman ni Barangay Granada Punong Barangay Nogi Vito nga may lima ka kindergarten learners nga nag positibo sa HFMD pero ini sila tanan ang naka rekober na kag naka balik na sa klase.| DYHB News