All PostsGinaproseso na ang pagbakal sang Provincial Government of Negros Occidental sa duta nga ginatindugan sang Central Philippines State University (CPSU)- Moises Padilla campus.
Sa interview sang DYHB kay former Moises Padila Vice Mayor Ian Villaflor, ginpahayag sini sang pagpungko ni former Mayor Francisco Nazareno sa pwesto, handum sini nga makapatukod sang kaugalingon nga kolehiyo ang banwa amo kun ngaa iya gindonar ang 2 hectares sang ila duta para pahamtangan sang CPSU.
Sadto talamnan pa ang nabilin nga masobra 2 hectares nga duta sang pamilya apang sang ulihi, ginpakamaayo nga magsulod ang nga ini sa usufruct agreement agudto ma usar pa temporaryo sang eskwelahan ang ang kapin 2.3 hectares sa ubos.
Suno kay Villaflor, malawig na nagtakop ang usufruct agreement sang 2017 kun ngaa luyag ini bawion ni Francisco Nazareno Jr. bilang anak kag tag-iya na sang duta.
Dugang pa sini nga malawig na gin-offer sang pamilya sa probinsya ang nasambit nga duta sa diin nagbulig pa gani diri proseso si Villaflor.
Suno sa iya, nadumduman niya pa nga na-approve na gani ini sang Sangguniang Panlalawigan sadto apang wala pa natigayon ang aktwal nga baligyaanay.