Ginpaidalum na sa Blue Alert Status ang Provincial Disaster Risk Reduction and Management Council Emergency Operations Center sang Negros Occidental may angut sa epekto tuga sang Southwest Monsoon nga ginapabaskog sang Tropical Cyclone “Crising”.
Ini epektibo sumugod subong nga adlaw, Hulyo 17 kun sa diin nagapatigayon sang close monitoring kag koordinasyon ang probinsya sa mga City kag Municipal Disaster Risk Reduction Management kag mga LGU nga sakop sang probinsya.
Sa idalum sang Blue Alert status, mas ginapasangkad pa ang pagmonitor sang probinsya sa lakat sang panahon kalakip na ang pagpanghanda kag koordinasyon agud madasig nga mahibalo ang mga lugar agud magresponde.
Padayun man nga nagapanugyan ang PDRRMO sa publiko ilabi na sa mga apektado nga mangin vigilante, mag-aligmat kag magpamati sa mga pagsulundan nga ginapatuman sang otoridad.