PROVINCIAL CAPITOL – Nagsugod na subong nga adlaw, Hulyo 22, ang pag-deliver sang supplies para sa ikaanom nga hugnat sang community kitchen sang Provincial Government sa mga pumuluyo nga apektado sang paglupok sang Bulkan Kanlaon.
Ang supplies ang gindul-ong sa siyam ka mga evacuation centers kun sa diin pito ang sa La Castellana samtang isa sa La Carlota City kag isa sa Bago City.
Ginabanta 2,000 ka mga indibidwal pa ang nabilin nga mga internally-displaced persons sa mga evacuation centers.
Sa impormasyon gikan kay Negros Occidental Provincial Administrator Atty. Rayfrando Diaz II nga kabug-usan nga P5.8 million ang gastuhon sa isa ka bulan nga pag-operate sang Capitol Community Kitchen.
Ginpabutyag sini nga indi na makaigu ang P2.7 million nga nabilin gikan sa P50 million nga ginhatag sang Office of the President sa Capitolio rason nga pagakuhaon ang pundo sa Provincial DRRM Fund.
[Photos by Atty. Ray Diaz]