BACOLOD CITY- Nasapwan ang isa ka bangkay sang bag-ong bun-ag nga lapsag nga lalaki sa Purok Makiangayon, Barangay Punta Taytay sa ciudad sang Bacolod, pasado las-2 sang hapon, Hulyo 22.
Ginpahayag ni Police Captain Andy Ofalia, Station Commander sang Police Station 9, nakit-an sang nagakolekta sang basura ang amo nga lapsag nga yara sa kilid sang basurahan.
Ang lapsag ang nahamtang sa sulod sa kalderon nga may inunlan pa, preska ang dugo, kag naangot ang pusod kag wala na sang kabuhi.
Suno kay Ofalia, ginlaragway sang isa ka nurse nga nagpadulong sa area nga ang lapsag ang isa bag-ong bun-ag lamang.
Sa karun padayon ang imbestigasyon sang kapulisan angot sa ginikanan sang amo nga lapsag.