WORLD NEWS- Nautas ang kabuhi sang kapin 27 ka tawo matapos naghugpaas ang air force training jet sa isa ka eskwelahan sa Dhaka, Bangladesh.
Nalakip sa mga nagtaliwan ang piloto sang jet, kag 17 sa kapin 27 ka mga ginbawian sang kabuhi amo ang mga estudyante.
Magluwas sa mga nagtaliwan, kapin 171 ka indibiwal ang nasamaran sa amo nga insidente.
Suno sa ginpagwa nga statement sang armed forces, ang F-7 jet ang naka-eskperyensiya sang mechanical fault matapos ini nga nagtake-off para sa isa ka training exercise.
Samtang suno naman kay Muhammad Yunus, lider sang Bangladesh’s interim government, nagakaigo nga tikang ang pagahimuon sang awtoridad agod imbestigaran ang amo nga insidente kag magapalab-ot sang nagakaigo nga bulig sa mga biktima.