BACOLOD CITY- Narekober sang Negros Occidental Police Provincial Office (NOCPPO) ang P2,083,180 nga balor sang ginapatihan shabu sa sulod sang isa ka semana sumugod sang Hulyo 14 tubtob Hulyo 20, 2025
Base sa pahayag ni Police Captain Judesses Catalogo, Spokesperson sang NOCPPO, sila ang nagpatigayon sang 11 ka drug buy bust operation kun sa diin 12 ka indibidwal ang naaresto kag sila ang nakuhaan sang 306.2 grams sang ginapatihan shabu.
Samtang ang kapulisan ang nakapatigayon sang apat ka operasyon angot sa kampanya kontra loose firearms, kag narekober sa apat ka suspek ang apat man ka mga armas luthang.
42 naman ka mga suspetsado ang naaresto sa 12 ka mga operation angot sa illegal gambling.
Dugang pa ni Catalogo, 19 ka mga suspek ang naaresto bangod sa illegal nga pagpangisda.
Sa bahin naman sang most wanted person lima ang natigayon nga naaresto kag 33 ka mga other wanted person.