PROVINCIAL CAPITOL – Nagbilin sang kapin P17.2 million nga balor sang kahalitan sa sector sang agrikultura sa Negros Occidental ang mga pag-ulan nga dala sang Southwest Monsoon nga ginpabaskog pa sang Bagyo Crising sang nagligad nga semana.
Base sa report sang Provincial Disaster Risk Reduction and Management Office as of July 21, 2025, may pinakadaku nga damage ang sa pananom nga humay nga nagdangat sa 11,641,388.81 samtang P1,456,423.33 naman sa high value crops kag P371,575 sa pananom nga mais.
Una naman nga gin-report sang Provincial Veterinary Office nga may 2,376,097.64 nga balor sang kasapatan nga nagkalamatay samtang P1,362,400 sa bahin sang aquaculture ukon pangisda.
[Photo by FIACN-BRIS]