Ginpatigayon ang National Simulation Exercise (SIMEX) para sa mga CBRNE ukon Chemical, Biological, Radiological, Nuclear, kag Explosive incidents sa Bacolod City Police Office (BCPO) Compound, subong nga adlaw, Hulyo 22, 2025.
Ini ang ginpangunahan sang Department of the Interior and Local Government – Negros Island Region (DILG-NIR sa kolaborasyon sang Philippine National Police (PNP) kag mga key public safety agencies kaupod si BCPO Director PCOL Joeresty Coronica nga nagpanguna sa mga kapulisan kag sa ila aktibo nga pagpakigbahin sa nasambit nga simulation.
Sa amo nga aktibidad, ginpatigayon sang kapulisan ang Infiltration kag pag-takeover sang chemical-controlled storage area sang mga gina-alegar terorista, dugang pa dir ang Hostage-Taking Incident (HTI); pag-escalate sini sa CBRNE scenario kag ang pagpatigayon sang nagakigo nga protocol kag proseso kalakip na ang debriefing matapos ang insidente.
Ini ang nagserbe nga testing may angut sa kahandaan ang ciudad kag ang koordinasyon sini sa pagresponde sa mga kaangay nga insidente.
Nagtambong man sa nasambit nga simulation sanday PRO NIR Director PBGEN Arnold Thomas Ibay kaupod ang pila pa ka mga indibidwal gikan sa lokal nga pamunuan sang ciudad kag nagkalain- lain nga pwersa kag grupo. [Photo from PIO BCPO]