Nagpanugyan sa mga Bacolodnon si Bacolod City Administrator Atty. Mark Mayo nga mag-check sa mga mga official pages sang ciudad kag sa mga accounts sang mga opisyales kaangay ni Mayor Greg Gasataya.
Ini ang kasunod sang nagluntad nga pagpalapta sang impormasyon kalakip na ang edited graphics sang executive order sang alkalde nga nagapahayag suspendido ang klase tinalikdan nga Hulyo 21.
Sa interview sang DYHB kay Atty. Mayo, ginkumpirmar sini nga nag-courtesy call ang mga katapo sang National Bureau of Investigation (NBI) kay Mayor Greg kag may close coordination karon ang ciudad sa NBI agod matumod ang mga nagpalapta sang fake news.
Pasalig ni Atty. Mayo nga pangitaon gid sang ciudad ang nagapalapta sang fake news.
Para sa opisyal, kon personal lang nga kabuhi nila ang hilabtan sang mga fake news peddlers, maagwanta lang ina nila, apang kun ang panggobyerno na ang intrahan, indi na ini insakto.
Suno pa sa city administrator, ang paghimo sang executive orders kag announcement ang may nagakaigo nga verification kag coordination sa nagakaigo nga opisina kag departmento sang city government.