Mas ginpahugot sang Bangko Sentral ng Pilipinas (BSP) ang ila pagsulundan sa corporate governance pinaagi sa pag-expand sang mga basehan para sa pagdiskwalipika sa mga direktor kag opisyales sang mga bangko kag iban pa nga financial institutions. Sa BSP Circular 1216 nga gin-aprubahan sang Monetary Board sang Mayo 22, gin-amyendahan sang bangko sentral ang Section 138 sang Manual of Regulations for Banks (MORB) kag Section 137-Q sang Manual of Regulations for Non-Bank Financial Institutions. Ini agud mapabaskog ang proseso sang watch listing kag disqualification para sa mga indibidwal nga ginakabig indi nagakaangay sa pagpanguna sa mga institusyon nga ginadumalahan sang BSP.
