Magahatag sang assistance ang City Agriculture’s Office sa mga fisher folks nga naapektuhan sang malain nga panahon sa Bacolod.
Suno kay Maricar Quiro, officer in charge sang Agriculture’s Office, may yara na sang napulo ka registered boat owners nga nag-report nga nahalitan kag ini sila ang makabaton sang assistance. Ini sila ang narekord sa Brgy. Sum-ag, Banago kag Brgy. 1 kag partially damaged ang bangka sang nasambit nga fisher folks.
Ginaklaro ni Quiro nga ang mga registered fisher folks lamang ang hatagan sang assistance nga fishing gears. Sa karon may kapin 200 ka mga mangingisda nga registered sa Agriculture’s Office.
Apang ginatinguhaan sang opisina nga mahatagan man sang food packs ang mga wala nakapangisda sang pila ka adlaw kag wala man damage ang mga sakayan kag ini ang ipaagi lamang sa Department of Social Services and Development (DSSD). | DYHB News