BACOLOD CITY- Padayon nga ginatumod sang kapulisan ang ginikanan sang lapsag nga ginhaboy sa basurahan sa Purok Makiangayon, Barangay Punta Taytay sa ciudad sang Bacolod, pasado las-2 sang hapon, Hulyo 22.
Ginpahayag ni Police Captain Andy Ofalia, Station Commander sang Police Station 9, padayon ang ila imbestigasyon angot sa paghaboy sa bag-ong bun-ag nga lapsag sa basurahan.
Sa karun, nagakoordinar sa barangat ang kapulisan agod matumod ang imbolbado sa naghaboy sa lapsag kag ini ang mapanabat.
Dugang pa ni Ofalia, wala nila ginatolerar ang amo nga buhat kag kun sila ang makatipon sang ebidensiya batok sa may kahimuan sang amo nga krimen, ini ang ila pagapasakaan sang kaso.