Indi mapunggan sang ano man nga ulan ukon pagbaha ang pagpalangganay nanday Jade Rick Verdillo kag Jamaica Aguilar bangud sila ang ginkasal sa tunga sang pagpanalasa ang bagyong Crising tinalikdan nga July 22,2025 sa Parokya sa Nuestra Señora del Carmen sa Bulacan. Indi red carpet ang gintapakan sang bride pakadto sa altar kundi, tubig baha. Ginkasal ang duha bisan pa nga lubog sa baha ang sulod sang simbahan. Nagpadayon ang seremonya upod ang suporta sang ila tagsa ka mga pamilya, mga abyan, kag ilabi sa tanan ang pari nga nagtugot nga ipadayon ang kasal sa pihak sang pagsaka sang tubig baha. Matuod gid man nga wala sang bisan ano nga trahedya ang makapugong sa mga tawo nga matuod nga nagapalanggaanay.
