PROVINCIAL CAPITOL – Nagapabilin sa mga evacuation centers ang mga pamilya nga nawad-an sang puluy-an matapos nga nagkalawasak ukon totally-damaged bangud sang Habagat nga ginpabaskog sang Bagyo Crising sang nagligad nga semana.
Ginpahayag ni PDRRMO Head Irene Bel Ploteña, 17 ka pamilya ukon 63 ka mga indibidwal ang nagapabilin sa mga evacuation centers sa Moises Padilla, La Castellana kag La Carlota City.
Samtang, wala naman ginadula sang PDRRMO ang posibilidad nga may magaluntad pa nga pagbaha sa tunga sang mga epekto sang Bagyo Dante kag Bagyo Emong sa pihak nga indi ang mga ini direkta nga magalaslas sa probinsiya.
Paathag ni Ploteña, wala pa nag-init sang tayuyon kag nagapabilin nga basa ang duta samtang padayon naman ang mga pag-ulan.