Nagsaylo na sa SOOC Regional Evacuation Center sa Distrito sang Arevalo ang pila ka mga pumuluyo sang Zone 1-B, Barangay San Juan, Molo, Iloilo City.
Ini matapos lubos sila na apektohan sang hangin habagat ilabi na sang mabaskog nga balod.
Ang mga pumuluyo lunsay nagpuyo sa coastal area sang amo nga barangay.
Ginpahamtang naman sang Iloilo City Goverment ang 200 ka mga tent nga magaserbe tulologan sang mga nag-evacuate.
Suno kay Elezabeth Alcoran, City Social Welfare Officer 1 (CSWDO-1) nga magluwas sa mga tent may ara man ginpahamtang nga mga folding beds.
Plastado naman ang mga kinahanglanon sang mga pumuluyo kaangay sang ulonan, habol kag iban pa.
May nagdonar man nga mga tubig kag pagkaon halin sa may bulawanon nga tagipusoon.
|Via DYRI, RMN Iloilo