PROVINCIAL CAPITOL – Nagapanawagan si Provincial Health Officer Dr. Girlie Pinongan sa publiko, ilabi na sa mga kabataan, nga indi magpaligo sa tubig-baha agud makalikaw nga makaangkon sang balatian.
Suno kay Dr. Pinongan, mahimo nga nanamian ang mga kabataan mag-ubog kag maglangoy sa baha bangud kaangay ini sang libre nga swimming pool ukon baybay.
“Indi mag-ubog, indi maglangoy kay ti feeling nila daw swimming pool”, suno kay Pinongan.
Apang paandam sini, mahimo makakuha sang mga masakit sa baha kag iban pa nga stagnant waters.
Nahibaluan nga nakalab-ot sa PHO ang pagpaligu sang mga kabataan sa baha sa isa ka lugar sa Negros Occidental sang nagligad nga semana rason nga gintawag ni Dr. Pinongan ang igtalupangod sang city health officer sini.
Sa karon, wala pa sang may nabaton nga report ang PHO angot sa mga nagmasakit bangud sang baha.
Ginapanugyan man ni Dr. Pinongan sa mga pumuluyo nga mag-evacuate antes pa man magtaas ang tubig sa ila nga lugar.
Ang mga city kag municipal health offices ang ginahatagan sang PHO sang suplay sang doxycycline para sa mga pumuluyo nga nakaubog sa baha.