PROVINCIAL CAPITOL – Nagpamutos na sang family food packs ang Provincial Social Welfare and Development Office (PSWDO) bilang kabahin sang mga pagpanghanda sa tunga sang maulanan nga panahon nga dala sang Bagyo Dante kag Bagyo Emong nga nagaapekto sa Negros Occidental.
Ginpahayag ni PSWDO Head Chiqui Gonzales nga ang ila mga personnel ang nagpang-repack sang food items kaangay sang bugas nga handa ipadala sa mga pumuluyo nga iga-evacuate tuga sang mga epekto sang pag-ulan.
Apang pagklaro ni Gonzales, ang LGUs amo ang una nga maga-responder sa kinahanglanon sang maapektuhan nila nga mga pumuluyo kag maga-augment lamang ang probinsiya.
Ang igapadala nga bulig sang PSWDO ang magadepende sa Disaster Response Operations Management, Information and Communication (DROMIC) report sang maapektuhan nga LGUs.