Isa ka coach sa Taiwan ang nagapilit sa mga estudyante nga magdonar sang dugo sa baylo nga magahatag ini sang plus points sa ila grades. Ang Taiwanese women’s football coach ang gin-akusar matapos ginaalegar makapila sini ka beses nga pwersahan ginapadonar dugo ang mga estudyante para ma makabaton sang school credits nga amo ang mandatory para sa graduation Si Zhou Tai-ying, isa ka dalayawon nga women’s football trainer, ang ginbansagan nga “vampire” sang Taiwanese media, bangud sang iya sini nga pagserbisyo sa National Taiwan Normal University (NTNU), ginaalegar nga puros blood donation lang ang gina-prioritize sini. Ginaalegar nga ang kada isa ka estudyante ang makapila ka beses kada adlaw ginapa-donate dugo. Panindugan sini nga 32 ka mga school credits ang kinahanglan para sa graduation. Bangud sang kahadlok sang mga estudyante nga indi makatapos sa pag-eskwela kun indi sang mga ini ma-comply ang ginapangayo sang ila coach, nagpasugot na lang ang mga ini. Nagsugod ang eskandalo sang nagpanugid ang isa sa mga biktima nga sang naga-eskwela pa ini ginpilit sila sang football coach nga magpaidalum sa 200 blood donations sa baylo sang course credits. Suno sa iya, ginkolekta sang untrained personnel ang dugo para sa ginatawag “on-campus research experiments”. Bangud sini, gin-dismissa sa unibersidad si Zhou bangud sang iya ginbuhat.
