Nagsaka na sa kapin ₱1.12 billion ang halit nga dala sang mga bagyo nga Crising, Dante, Emong kag sang habagat sa sektor sang agri-fisheries sa Pilipinas suno sa Department of Agriculture (DA). Base sa report sang DA, Disaster Risk Reduction and Management Operations Center, nagdangat sa 26,566 metric tons ang volume sang production loss sa mga pananom pareho sang humay, mais, bakwit, pangisda, poultry kag iban pa. Naglab-ot naman sa 45, 408 ka mga mangunguma kag manug pangisda ang apektado sa malain nga panahon kag 43, 741 ka ektarya sang agricultural areas sa Cordillera Administrative Region, Ilocos Region, Cagayan Valley, Central Luzon, Calabarzon, Mimaropa, Bicol Region, Western Visayas, Zamboanga Peninsula, Northern Mindanao, Davao Region, kag Socckskargen. Ginaekspektar ang madamo pa nga halit kag kapierdihan sa pila ka mga apektado nga rehiyon samtang gina-validate pa ini suno sa DA.
