PROVINCIAL CAPITOL – Nagapati si Governor Bong Lacson nga indi malakip sa ikaapat nga state of the nation address (SONA) ni Presidente Bongbong Marcos ang mga programa para sa probinsiya sang Negros Occidental.
Suno sa gobernador, indi “big enough” ang mga programa para sa probinsiya agud malakip gid sa SONA sang presidente.
Lakip sa mga programa nga luyag kuntani ni Lacson nga mahatagan sang pagtamod amo ang pag-improbar sang Bacolod-Silay Airport kag subong man ang suporta para sa mga mangunguma.
Samtang, ginkumpirmar ni Governor Lacson nga imbetado ini apang indi siya makatambong sa SONA ni President Marcos buwas, Hulyo 28.